Neruda u vra nga Pinochet? Hapen sërish hetimet mbi vdekjen e poetit të famshëm

26 Janar 2023 | 15:51

Nuk ishte një kancer i pandalshëm në prostat, sikurse u tha, por një lëndë toksike vdekjeprurëse shkaku i vdekjes së poetit kilien Pablo Neruda, fitues i çmimit Nobel për Letërsinë thuajse 50 vjet më parë.

Tragjedia ndodhi 12 ditë nga grushti i shtetit të gjeneralit Augusto Pinoçet, i cili i dha fund eksperiencës demokratike të presidentit Salvador Allende.

Disa të dhëna të mbledhura në vitet e fundit nga hetuesit kanë bërë që të rikthehen dyshimet dhe të kryhen hetime më të thella mbi çështjen.

Tani, një grup i ri ekspertësh, i treti që prej vitit 2013, do të përpiqet të përcaktojë shkaqet e vdekjes së Nerudës, e ndodhur më 23 shtator 1973.

Pesë vjet më parë, grupi i dytë i hetuesve kishte arritur në përfundimin se Rikardo Neftali Rejes, emri i vërtetë i poetit, nuk kishte vdekur nga kanceri që e mundonte.

Përkundrazi, ata kishin zbuluar një lëndë toksike në një mikroorganizëm të quajtur Klostridium Botulinum, duke vënë në dukje nevojën për analiza të mëtejshme dhe më të thelluara.

Gjyqtarja kiliene për të drejtat e njeriut, Paola Piazza ka risjellë në vëmendje së fundmi se laboratorë të specializuar janë ngarkuar me detyrën e ekzaminimit për të zbuluar nëse bëhej fjalë për një bakterie të kultivuar në laborator.

Ekipi i ri i ekspertëve, ka shtuar gjyqtarja, do të nisë hetimet nga rezultati i këtyre studimeve për të zbuluar shkaqet e pranisë së lëndës helmuese në trupin e poetit.

Kufoma e autorit të kryeveprës “20 poezi dashurie” u zhvarros më 8 prill të 2013-s nga varri i tij në plazhin Isla Negra, ku prehej përkrah bashkëshortes së tij të fundit.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026