EMRI/ Qarkullonte me armë në makinë, arrestohet 60-vjeçari

Një 60-vjeçar i idendifikuar si Xhavit Prini është arrestuar nga policia e Tiranës pasi u kap duke qarkulluar në automjet i armatosur.

Nga ana e uniformave blu është sekuestruar arma e zjarrit pistoletë, krehri i saj me 6 fishekë dhe automjeti me të cilin qarkullonte 60-vjeçari.

Materialet në ngarkim të tij i kaluan prokurorisë për veprime të mëtejshme.

“Gjatë operacionit, në fshatin Prezë, shërbimet e Policisë kanë lokalizuar dhe ndaluar automjetin me drejtues shtetasin Xh. P. Gjatë kontrollit në këtë automjet, shërbimet e Policisë gjetën një armë zjarri pistoletë dhe krehrin e saj me 6 fishekë në të, të cilat u sekuestruan në cilësinë e provës materiale, së bashku me automjetin që drejtonte ky shtetas.

Në përfundim të veprimeve procedurale për këtë rast, u arrestua në flagrancë shtetasi Xh. P., 60 vjeç, banues në fshatin Palaq, Vorë, si dhe materialet procedurale i kaluan Prokurorisë, për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”, thuhet në njoftimin e policisë.

LEXONI GJITHASHTU:

• Plagoset me thikë 29-vjeçari në Tiranë
• Dhunoi të moshuarën në azil, avokati: Pelaj mund të ketë ikur në Gjermani
• Përdhunimi i 11 vjeçares në Prishtinë, do të lirohen dy të dyshuarit