“Keni fjetur me burra?”- Policia në Egjipt gjurmon online komunitetin LGBT

Në Egjipt, homoseksualiteti është shumë i stigmatizuar dhe ka kohë që pretendohet se policia po gjurmon personat LGBT në internet. BBC shkruan se tashmë ka prova se autoritetet aty po përdorin aplikacione takimesh online për ta bërë këtë gjë.

Transkriptet e paraqitura në raportet e arrestimit të policisë tregojnë se si oficerët po pozojnë foto në internet për të fabrikuar më pas prova kundër personave LGBT që kërkojnë takime online.

BBC ka publikuar dhe një bisedë me tekst mes një oficeri policie dhe një personi të komunitetit LGBT. Oficeri tenton që përmes joshjes online të ketë një takim me personin në fjalë.

Pjesë nga biseda:

Policia: Keni fjetur më parë me burra?

Përdoruesi i aplikacionit: Po

Policia: Po të takohemi?

Përdoruesi i aplikacionit: Por unë jetoj me mamin dhe babin

Policia: Hajde i dashur, mos ki turp, mund të takohemi publikisht dhe pastaj të shkojmë në banesën time.

BBC shkruan se përmes gjurmimit online, policia fabrikon prova për të bërë më pas arrestimin e personave të komunitetit LGBT.

Egjipti është një nga aleatët perëndimor më të rëndësishëm në Lindjen e Mesme dhe merr miliarda dollarë mbështetje nga SHBA dhe BE çdo vit. Rreth gjysmë milioni turistë britanikë vizitojnë vendin çdo vit dhe MB trajnon forcat policore egjiptiane nëpërmjet OKB-së.