Dy sfida në 24 orë, Liverpool luan përballë Aston Vilës dhe Monterrery

Liverpool ka zbarkuar në Doha ku po zhvillon përgatitjet në prag të sfidës gjysmafinale në kupën e botës për klube përballë Monterrey që do të luhet të mërkurën.

Në prag të nisjes së aventurës së tyre në këtë kompeticion kampionët e evropës do jenë me sytë nga anglia. “The Reds” janë të ndarë në dy pjesë pasi në 24 orë do të duhet të luajnë dy ndeshje.

Gjysma e skuadrës është në Angli pasi do të luajë ndeshjen e “Carabao Cup” përballë Aston Vilës ndërsa pjesa tjetër është e angazhuar në botërorin e klubeve.

Duke qënë se pjesa kryesore e skuadrës është në Katar, përballë Aston Vilës, “The Reds” janë të detyruar që të luajnë me futbollistë të rinj. Në krye të skuadrës për ndeshjen me Aston Vilën do të jetë Neil Critchley që drejton ekipin e të rinjve.

Liverpool ka patur një ecuri fantastikë ne Premier League dhe është favorit absolut për të triumfuar edhe në Kupën e Botës për klube.