“Ky është gjenocid”, zonja e parë e Ukrainës dënon sulmet e fundit raketore

Guvernatori rajonal i Kharkiv, Oleh Syniehubov tha se katër persona u plagosën kur një raketë ruse S-300 ra pranë një blloku apartamentesh dhe një tjetër u lëndua kur një raketë goditi një ndërtesë të arsimit të lartë.

Ai erdhi vetëm disa ditë pasi autoritetet ukrainase thanë se qyteti jugor Kherson ishte gjithashtu nën granatimet ruse.

Bombardimi dëmtoi ndërtesa banimi, një spital, një shkollë, një stacion autobusi, një bankë dhe një zyrë postare.

Tani, zonja e parë e Ukrainës, Olena Zelenska ka thënë se “nuk ka logjikë ushtarake” për atë që po bën Rusia dhe dëshira e tyre është “të kthejnë qytetet në gërmadha dhe të vrasin”.

Ajo shtoi ndër të tjera se: Ky është gjenocid, i cili duhet të perceptohet nga bota si një terror i pakuptimtë dhe e keqe absolute”.

LEXONI GJITHASHTU: 

• Zjarr në një pallat në Tiranë, zjarrfikëset nisen drejt vendngjarjes
• Eksperti: Ja çfarë duhet bërë për të fuqizuar bujqësinë