Eksperti: Ja çfarë duhet bërë për të fuqizuar bujqësinë

Eksperti i bujqësisë Ilir Pilku tha se Ministria e Bujqësisë duhet të ndryshojë strategji në lidhje me bujqësinë, importet dhe eksportet.

Në një intervistë për Euronews Albania, tha ndër të tjera se Ministra e Bujqësisë ka nevojë për ekspertizë të lartë në mënyrë që bujqësia të fuqizohet.

Ndikim sipas ekspertit ka dhe buxheti.

“Buxheti i vitit 2022 ka qenë një buxhet mbreslënës, buxheti më i madh që i është akorduar ndonjëherë bujqësisë, por pyetja është a është i mjaftueshëm. Ministria e Bujqësisë duhet të kuptojë një gjë, që sa më shumë të afrohemi drejt BE aq më shumë obligime do të ketë. Buxheti i shtetit duhet ta rimendojë mirë fondet që alokon në Ministrinë e Bujqësisë. Ministria ka nevojë për ekspertizë të lartë, të huaj në mënyrë që të vendos strategji të mira dhe të ecë bujqësia. Politikat tona orientuese nuk kanë qenë ato të duhurat”- tha ai.

LEXONI GJITHASHTU: 

• Situata në Ukrainën Lindore po bëhet më e ashpër, thotë Zelensky
• Spahiu: Protesta e shkurtit s’është kauzë popullore por luftë mes dy bandave mafioze