Situata në Ukrainën Lindore po bëhet më e ashpër, thotë Zelensky

Situata në vijat e frontit lindor të Ukrainës po bëhet e vështirë, tha presidenti Volodymyr Zelensky.

Sipas mediave të huaja, Zelensky theksoi se trupat ukrainase po përballen me një situatë shumë të vështirë në tre qytete shumë të kontestuara në Donetsk  Bakhmut, Vuhledar dhe Lyman.

Ministria e Mbrojtjes e Mbretërisë së Bashkuar tha se ushtarët ukrainas po izolohen në Bakhmut.

Kjo vjen pasi ministri i mbrojtjes i Ukrainës përsëriti pikëpamjen se një ofensivë e re ruse pritet këtë muaj.

Në një konferencë shtypi, Oleksiy Reznikov tha se jo të gjitha armatimet perëndimore do të kenë mbërritur deri atëherë, por Ukraina kishte rezerva për të mbajtur forcat ruse.

Reznikov tha se ai pret që ofensiva e parashikuar ruse të ketë prioritet marrjen e të gjithë rajonit lindor të Donbasit dhe të krijojë një korridor tokësor në të gjithë zonat që ai pushton, duke përfshirë Krimenë.

Ministri i Mbrojtjes konfirmoi gjithashtu se trupat do të fillojnë stërvitjen mbi tanket Leopard të prodhimit gjerman nga e hëna.

LEXONI GJITHASHTU: 

• Përmbytet anija me emigrantë, humbin jetëm 3 fëmijë e një grua
• Spahiu: Berisha ti tregojë popullit pse akuzonte Bashën për ‘rublat’ njësoj si Rama