Vrasja e Pjerin Xhuvanit, avokatja-prokurorisë: Jeta e një dëshmitari në rrezik

Avokatja e familjes së Pjerin Xhuvanit, vrarë në ngjarjen e prillit 2021, paralajmëron prokurorinë se jeta e një dëshmitari të ngjarjes rrezikohet seriozisht pas dëshmive që ai ka dhënë

Në seancën e datës 1 shkurt ky dëshmitar, emri i të cilit nuk behet publik për arsye sigurie, ka dëshmuar se ka parë dhe se mund të identifikojë dy personat e armatosur që bashkë me të tjerët, kishin rrethuar e kërcënuar viktimën përpara se të vritej.

Rezarta Tahiraj, avokatja e familjes Xhuvani, në shkresën dërguar prokurorisë bën me dije:

“Me deklarimet e tij ne proces ky dëshmitar mund të ketë kontribuar në mënyre indirekte në zbulimin e misterit të predhave të pistoletës të kalibrave të ndryshëm të eskpertuar nga policia. Dëshmia se ka parë këta të dy agresorë kontribuon ndër të tjera për të sqaruar se përpara mbërritjes së mjekut (Pjerin Xhuvani), midis komponenëve të struktures paramilitare të mbrojtjes ka pasur armë jo vetëm vrasësi por sigurisht dhe këta dy personat e tjerë dhe ndoshta dhe të tjerë.
Kush do ta mbrojë dëshmitarin nga rreziku që ata dy persona të armatosur ende të paidentifikuar i vënë në rrezik jetën ose e kërcënojnë për ta detyruar që të ndryshojë deklarimet e tij.

Sipas avokates, të dy personat për të cilët ka folur dëshmitari aktualisht janë të lirë dhe kështu rrezikohet jeta e dëshmitarit. Ndërkohë seanca e radhës në ngarkim të Arbër Paplekajt është caktuar të mbahet me datën 8 shkurt.

LEXONI GJITHASHTU: 

• Një tjetër tërmet me magnitudë 7.7 ballë godet Turqinë
• Ndërtesa që bien, rrugë të shkatërruara/ Pamjet apokaliptike të tërmetit në Turqi