“Kemi tavanin mbi kokë”, motrat kërkojnë ndihmë nga brenda rrënojave (video)

Një video e cila përmban pamje të filmuara nga dy persona të cilët kanë ngecur nën rrënoja po qarkullon në rrjetet sociale.

Në njërin nga filmimet janë dy motra të cilat kanë sipër kokës tavanin e shtëpisë.

Në videon tjetër duket një baba i cili po i bën thirrje të birit të durojë derisa ta shpëtojnë.

Moti i keq e ka rënduar procesin e shpëtimit gjithashtu.

Një tërmet tragjik goditi Turqinë mëngjesin e së hënës duke shkaktuar mbi 5000 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja.

LEXONI GJITHASHTU:

• Në nder të viktimave të tërmetit, Kosova shpall Ditë Zie 8 shkurtin
• Hotelet në Antalia do të strehojnë të mbijetuarit nga tërmeti, thotë Erdogan