Arrestohet shqiptari në Itali, kapet me 5 mln euro kokainë

Gjashtëdhjetë kilogramë kokainë, e ndarë në 50 pako, u sekuestruan nga doganierët dhe policia pasi u zbuluan në kontejnerë në bordin e anijes “Victoria L” e cila mbërriti në portin e Vado Ligure nga Ekuadori me një ngarkesë banane.

Mediat e huaja bëjnë me dije se në pranga ka rënë një 37-vjeçar shqiptar, banues në Milano, dhe përballet me akuzën e trafikut ndërkombëtar të drogës.

Ngarkesa e drogës u gjet pas kontrollit të kujdesshëm të kontejnerit dhe hetimet e menjëhershme nga ushtarakët bënë të mundur arrestimin e shqiptarit

Në momentin e arrestimit, atij iu gjet një armë zjarri e vjedhur dhe mjete të tjera të përshtatshme për hapjen me forcë të kontejnerit.

Ndërkohë bëhet me dije se droga e sekuestruar kapre vlerën 5 milion euro.

LEXONI GJITHASHTU: 

• Qytetari: S’e përdor ashensorin por paguaj që të mos ndahem nga “kopeja”
• Ndërtesa të rëna, makina të shkatërruara e njerëz në lot. Pamje dramatike nga Turqia