Ndërtesa të rëna, makina të shkatërruara e njerëz në lot. Pamje dramatike nga Turqia

Pamje dramatike vijnë nga pasojat e tërmeit shkatërrimtar që goditi Turqinë juglindore dhe Sirinë veriore.

Nga fotot e siguruara nga Euronews Albania shihen qartë dëmet e mëdha të shkaktuara nga lëkundjet e së hënës.

Njerëz në lot, të cilët rrinë në ambiente të jashtme nga frika e një tërmeti të ri ose nga shembja e banesave të tyre shihen në çdo rrugë.

Për të përballuar të ftohtin që ka kapur vendin ata mundohen të ndezin zjarr dhe të presin për lajme nga ekipet e kërkim shpëtimit për të afërmit e tyre që ndodhen nën rrënoja.

Makina të shkaktuara ndodhen kudo, të mbuluara nga blloqet e betonit.

Një tërmet tragjik goditi Turqinë mëngjesin e së hënës duke shkaktuar mbi 8700 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja.

LEXONI GJITHASHTU: 

• Zukali: Qytetarët në Turqi paguajnë taksë mujore për tërmetin që prej viti 1999
• Gazetari Hoxha: Dy pallate në Adana që jetonin shqiptarë janë shembur
• Gazetari Hoxha nga Stambolli: Autobusët janë mënyra më e sigurt për të lëvizur