Njerëzit apo rrugët, ku planifikohet që të shpenzohen paratë e shtetit

Prej vitit 2019, Shqipëria është prekur nga 3 kriza. Tërmeti, pandemia, luftë. Të trija kanë goditur sistemin financiar, duke rritur nevojën për të hedhur më shumë para në infrastrukturë dhe në popullatë.

Rindërtimi pas vitit 2019 dhe rritja e pakontrolluar e çmimeve në 2022 për çdo produkt të mundshëm, krijuan një situatë të paqartë për ecurinë e investimeve.

Por, paraliza preku edhe njerëzit, sidmos ata me të ardhura të ulëta, që fillimisht humbën banesat, më tej u vendosën në karantinë dhe tashmë po blejnë shtrenjtë.

Qeveria dhe bashkitë planifikojnë të shpenzojnë në një vit kalendarik po aq para sa dërgohen nga emigrantët shqiptarë. Vlera 1 mld euro është e përafërt edhe me nivelin e investimet që sjellin kompanitë e huaja në vend.

Por a do të zbatohen afatet e punimeve që shkruhen në tabelat e kantiereve në zhvillim? Sa do t’i shërbejë asfaltimi Shqipërisë periferike që zbrazet çdo ditë dhe asaj të qendrës që zgjerohet në kaos? Kush do të përfitojë nga rrugët e reja, të ndërtuara në kohë apo me vonesë, pavarësisht nga kostot e tyre.

Vizioni i qeverisë për të bërë Shqipërinë portën turistike të mesdheut, shfaqet rregullisht në ekranet e saj të propagandës. Numrat në rritje të të huajvë që vizitojnë vendin tonë dhe parrullat për të vizituar cdo pikë tërheqëse në pranverë, verë, vjeshtë e dimër, duket sikur e largojnë vëmendjen nga Shqipëria tjetër, e varfër dhe braktisur.

Me këtë projekt, edhe rrugët duhet të jenë të gjera dhe të drejta. Por, e ardhmja rezervon edhe një ndryshim, i cili është vulosur në rrugën e Kombit dhe do të bëhet i zakonshëm në autostradat e reja. Rrugët me pagesë, në mesin e të cilave do të jetë i vendosur një tra, haraçi i të cilit do të vilet për 20 apo 30 vjet nga firmat private.

LEXONI GJITHASHTU

• Do të kushtojë 1.1 mld euro, kur bëhet realitet Korridori Blu
• 1 mld euro investime publike për 2023-shin, gjysma në infrastrukturë
• Berisha apo Rama, cili ka ndërtuar më shumë rrugë