Lulzim Basha: Kurajë për popullin turk në përballimin e kësaj tragjedie

Kryetari i Partisë Demokratike, Lulzim Basha, ka reaguar pas tërmetit të fuqishëm, i cili tronditi këtë të premte brigjet e Egjeut, duke shkaktuar panik dhe frikë tek banorët.

Me një shënim në “twitter”, lideri i opozitës ka përcjellë ngushëllimet e tij për jetët e humbura në qytetin e Izmirit në Turqi.

“Po ndjek me shqetësim të madh lajmet tronditëse nga Turqia. Ngushëllimet e mia më të thella janë për familjet e viktimave të tërmetit. Ju uroj shërim të plagosurve, forcë, kurajo dhe solidaritet me popullin dhe autoritetet e Turqisë në përballimin e kësaj tragjedie të rëndë’, shkruan Basha.

Sipas informacioneve të fundit, bëhet e ditur se deri tani kanë humbur jetën të paktën katër persona, ndërsa mbi 120 të tjerë janë plagosur.

Autoritetet e kërkim-shpëtimit vijojnë punën intesive për të nxjerrë njerëzit, të cilët dyshohet që ndodhen poshtë rrënojave të pallateve.

Lexoni gjithashtu:

LIVE | Të paktën katër viktima dhe 120 të plagosur nga tërmeti i fuqishëm në Turqi

Tërmeti në brigjet e Egjeut, përfaqësuesi i shqiptarëve në Greqi: Nuk raportohet për të lënduar

Tërmeti i fuqishëm në Turqi, sizmologu Llambro Duni: Njësi tjetër tektonike, s’ka lidhje me Adriatikun