Tetë viktima dhe 334 raste të reja me COVID-19 në Kosovë

Tetë viktima dhe 334 raste të reja është bilanci i 24 orëve të fundit në Kosovë në betejën ndaj COVID-19. Rastet e reja janë identifikuar nga kryerja e 1 621 testeve.

Kosova numëron deri tani 705 viktima nga coronavirus që prej fillimit të pandemisë. Numri total i rasteve pozitive është gati 21 raste nga mbi 98 mijë persona të dyshimtë.

Gjatë 24 orëve të fundit, janë shëruar 81 pacientë derisa numri i përgjithshëm i të shëruarve deri më sot është gjithsej 15.722 raste, kurse numri i rasteve aktive është 4.562.

Rastet pozitive janë nga komuna Prishtinë 157 raste, komuna Gjilan 37 raste, komuna Pejë 26 raste, komuna Prizren 20 raste, komuna Fushë Kosovë 13 raste, komuna Mitrovicë 13 raste,  komuna Gjakovë 8 raste, komuna Obiliq 8 raste, komuna Suharekë 8 raste, komuna Vushtrri 8 raste, komuna Klinë 6 raste, komuna Rahovec 6 raste, komuna Deçan 4 raste, komuna Drenas 3 raste, komuna Novobërdë 3 raste,  komuna Ferizaj 2 raste, komuna Kamenicë 2 raste, komuna Lipjan 2 raste, komuna Podujevë 2 raste, komuna Skenderaj 2 raste, komuna Viti 2 raste dhe me nga një rast komunat Kaçanik dhe Malishevë.