Gazetarja shqiptare në Boston: Dy faktorët që përcaktuan votën e amerikanëve

Gazetarja shqiptare në Boston, Entela Sula Prifti thotë se nuk pret që fituesi i zgjedhjeve të shpallet para ditës së premte kjo për shkak të disa specifikave që ekzistojnë në disa shtete.

“Jam skeptike dhe ndoshta një emër përfundimtar mund të jetë të premten. Kjo vjen pasi kanë specifika disa shtete që janë të pavendosura se cilit kandidat do ti japin vota e Kolegjit Elektoral”, tha ajo.

Gazetarja thotë se, ka pak shanse që presidenti aktual të përmbysë rezultatin. Sipas saj kanë qenë dy faktorë që kanë përcaktuar votën e amerikanëve; aspekti financiar dhe menaxhimi i pandemisë.

“Numrat janë duke folur gjatë gjithë ditës dhe Biden është disa pikë përpara presidentit aktual Trump, por janë disa shtete që mund t’i përmbysin këto numra”, deklaroi znj. Sula-Prifti.

Sipas saj, Trump e kishte paralajmëruar edhe para rezultati se mund ta kontestonte rezultatin dhe kjo pasi e ka nuhatur humbjen, por sipas gazetares ky nuk do të jetë rast i paprecedentë.

“Trump është një njëri që di të nuhasë dhe e ka parashikuar që do të humbasë dhe për këtë arsye po luan të gjitha gurët. Ky nuk është një rast i paprecedent, ka pasur edhe raste të tilla por nuk kanë qenë në kohë ne Amerikës moderne. Ekziston ligji kur ka kontestime dhe të dy kandidatët mund të përfundojnë në gjykatë dhe verdikti i gjykatës shpall fituesin e ardhshëm”, përfundoi znj. Sula-Prifti.