Mark Kozmo: Fituesi i zgjedhjeve? Mund të përsëritet rasti i vitit 2000

Mark Kozmo, kryetar bordi i Germin dhe Fondacioni Global Shqiptar thotë se pavarësisht qëndrimeve të Presidentit aktual, Donald Trump procesi zgjedhor ka qenë normal nga ana teknike.

Për rezultatin, ai shprehet i sigurt në fitoren e Joe Biden por parashikon që rezultati zyrtar mund të kërkojë dhe deri në një muaj që të shpalle.

“Zbatimi teknik i zgjedhjeve ka qenë normal. Duhet të presim të paktën 2-3 ditë për të qenë të sigurt, por mundet që Biden të fitojë që sot. Por unë mendoj se nuk do të jetë asgjë zyrtare për disa ditë dhe pastaj mund të filloj procedua në gjykatë që mund të zgjasë deri në një muaj siç ka ndodhur në vitin 2000”, deklaroi ai.

Z. Kozmo thotë se diferenca mes dy kandidatëve është e ngushtë kurse për gabimin e sondazheve ai thotë se nuk kanë parashikuar përqindjen e pjesëmarrjes së republikanëve.

“Ndeshja nuk ka mbaruar dhe Biden është tip që pret deri në fund. Mundet, por unë mendoj se Biden se do të arrijë në 270 anëtarë të Këshillit Elektora. Është i pari në Michingan dhe Nevada dhe kështu që mund të arrijë këtë numër, pastaj janë tre shtet të tjera ku Trump është i pari në garë”, përfundoi ai.