Irani thotë se ka zbuluar një rezervë të madhe me litium

Irani ka njoftuar se ka zbuluar një depozitë të madhe të litiumit, një komponent kyç për prodhimin e baterive për automjetet elektrike dhe për pajisjet elektronike, njoftoi media shtetërore më 4 mars.

“Për herë të parë, në Iran është zbuluar një rezervë e madhe në Hamedan” në perëndim të shtetit, tha Mohammad Hadi Ahmadi, zyrtar i Ministrisë së Industrisë, Minierave dhe Tregtisë, raportoi televizioni shtetëror.

Rezerva besohet se ka “8.5 milionë tonë” litium, tha Ministria e Industrisë, Minierave dhe Tregtisë, shkruan REL.

I quajtur “nafta e shekullit 21”, litiumi është thelbësor për prodhimin e baterive për automjetet elektrike, të cilat mund të mësojnë që makinat të mos përdorin më naftë që lëshon dyoksid karboni.

Ky metal i bardhë po ashtu është thelbësor për rimbushjen e baterive që përdoren për telefona celularë dhe për pajisje të tjera elektronike.

Sipas një raporti të publikuar më 2022 nga Shërbimi Gjeologjik i Shteteve të Bashkuara, në mbarë botën janë identifikuar 89 milionë tonë litium. Australia, Kili, Argjentina dhe Kina janë prodhuesit kryesorë.