Ish-luftëtari i UÇK-së: Kosova nuk ka nxjerrë as 2% të krimeve të serbëve

Meçan Zotaj, ish-luftëtar i UÇK-së shprehu shqetësimin e tij për situatën aktuale dhe mos pajtimin me akuzat e bëra.

“Nuk pajtohemi sidomos me këtë pjesën që ata (Gjykata Speciale) përfshijnë luftën, kryesisht dokumente të gatuara në kuzhinat e Beogradit dhe të mbështetura nga disa shqiptar faqezinj edhe këtej nga Kosova por disa edhe andej nga Tirana,” – tha i revoltuar Meçan Zotaj.

Sipas këtij këto janë akuza të pabaza dhe Ushtria Çlirimtare e Kosovës ka bërë një luftë të pasur teksa theksoi se pavarësisht se kanë pasur mundësi t’i bëjnë ato krime nuk i kanë kryer kurrë.

“Ne kemi bërë një luftë të drejtë, jo vetëm civilë, që ata pretendojnë, por ne dhe ushtarë serb kur i kemi zënë rob i kemi trajtuar në bazë të Konventave Ndërkombëtare për të Drejtat e Pengjeve dhe i kemi dorëzuar te fuqitë e mëdha për ndërrim të pengjeve ose dorëzim të pengjeve të luftës,” – u shpreh Zotaj.

Sipas tij akuzat e Speciales bëhen vetëm për të përçarë Kosovën ama sidoqoftë ish-luftëtari i UÇK-së tha me bindje se kjo nuk do të ndodhë.

Të gjitha forcat politike që kanë udhëhequr deri tani në këndvështrimin e tij nuk kanë bërë asgjë për të diferencuar viktimën nga agresori.

“Kosova nuk ka nxjerrë as 2% të krimeve. Ata (serbët) janë faktikisht që kanë masakruar, kanë përdhunuar, kanë djegur, kanë plaçkitur, kanë bërë çdo gjë ekstreme që nuk mund ta imagjinojë mendja e një njeriu normal,” – tha Meçan Zotaj për Euronews Albania.

Ai nuk la pa përmendur se dhe ish-komandantët e tyre që kanë kaluar nga uniforma ushtarake në politikë kanë pasur gabimet e tyre dhe neglizhencën për akuzat që duhet të kishin bërë.

Ndër të tjera Zotaj përmendi rastin “Panda” ku të rinj serb u vranë nga vet ushtria serbe vetëm për të akuzuar ushtrinë e Kosovës duke dashur të theksojë edhe njëherë se akuzat hedhur mbi ish-luftëtarët e UÇK-së janë vetëm pjellë e imagjinatës.

“Ata (serbët) fabrikojnë dhe janë të tmerrshëm. Po ta dijë populli i thjeshtë shqiptar por edhe populli i thjeshtë serb se çfarë imagjinate, çfarë fabrikacionesh bëjnë shërbimet ushtarake dhe policore serbe në zyrat e tyre do tmerrohen,” – përfundoi Zotaj.

Lexoni gjithashtu: 

Presidenti Thaçi jep dorëheqjen pas konfirmimit të aktakuzës nga Specialja

Dorëheqja e Thaçit, Milazim Krasniqi: Klasa politike në Kosovë duhet të jetë e bashkuar

Vjosa Osmani merr zyrtarisht postin e ushtrueses së detyrës së presidentes

Akuzat për krime lufte, udhëheqësit shqiptarë mbështesin Thaçin dhe ish-luftëtarët e UÇK-së

Komandanti i UÇK-së, që la armët për të drejtuar shtetin

Shqiptarët e Kosovës të zemëruar për aktakuzën ndaj Thaçit: Po krimet e serbëve?