Administrativja rrëzon KED për kandidatin për në Gjykatën Kushtetuese

Gjykata Administrative e Apelit rrëzon vendimin e Këshillit të Emërimeve në Drejtësi për ndalimin e kandidimit për në Gjykatën Kushtetuese të Eugen Papandiles.

Sipas gjykatës, KED duhet të rishqyrtojë kandidaturën e Papandiles ndërsa për kandidatin tjetër të skualifikuar Sinan Tafaj, Gjykata Administrative e Apelit la në fuqi vendimin.

Këshilli i Emërimeve në Drejtësi lejoi vijimin e garës vetëm për kandidaten Sonila Bejtja ndërsa edhe e skualifikuara tjetër Zhaklina Peto ka ankimuar vendimin.

Vijimi i procedurave është bllokuar pikërisht nga paditë për vendimet e KED-së ndërsa ambasadorja amerikane Yuri Kim ka kërkuar që Gjykata Kushtetuese të jetë funksionale në fundin e këtij viti.