“Mik i popullit të Kosovës”, Albin Kurti uron Joe Biden për fitoren e zgjedhjeve në SHBA

Kreu i Vetëvendosjes dhe ish-kryeministri i Kosovës, Albin Kurti, i ka uruar fitoren kandidatit demokrat Joe Biden. Lideri i Vetëvendosje edhe gjatë fushatës elektorale ka bërë thirrje publike ndaj shqiptarëve për të mbështetur kandidatin Biden për zgjedhjet që u mbajtën më 3 nëntor.

 Ai thotë se Amerika ka nevojë për mbështetjen dhe kontributin e Joe Biden. Mes tjerash, Kurti shprehet se Joe Biden është një mik i vjetër dhe alet i vyer i popullit të Kosovës.

“Urime për fitoren historike të Joe Biden, një mik dhe aleat i vjetër i popullit të Kosovës. Udhëheqja juaj është e nevojshme për Amerikën ashtu si edhe për botën për të rivendosur besimin në demokraci, shtetin e së drejtës dhe dinjitetin njerëzor. Unë pres që të forcojmë marrëdhëniet tona”, shkroi Kurti në “Twitter”. 

Congratulations on his historic victory to @JoeBiden, a longtime friend & ally of the people of #Kosova.

Your leadership is needed in America just as much as in the world to restore faith in democracy, rule of law & human dignity. I look forward to strengthening our relations.

— Albin Kurti (@albinkurti) November 7, 2020

Teksa Joe Biden vijonte fushatën nga njëri shtet në tjetrin në SHBA, lideri i Vetëvendosjes Albin Kurti përcolli këtë mesazh për shqiptarët që jetojnë në Amerikë:

“Për shqiptarët në të gjithë Shtetet e Bashkuara të Amerikës, po ju drejtohem sot për t’ju nxitur të votoni për Joe Biden në zgjedhjet e ardhshme presidenciale. Një votë për Biden është një votë për të përforcuar vlerat e përbashkët të drejtësisë, lirisë, vetëvendosjes dhe mundësive për të gjithë, të cilat gjithmonë kanë lidhur bashkë Shtetet e Bashkuara, Kosovën dhe diasporën shqiptare si aleatë të përkushtuar. Që nga vitet e ’90-ta, Joe Biden është një mbështetës i palëkundur i shqiptarëve në Ballkan” theksoi ai.

Lexoni gjithashtu: 

Zgjedhjet presidenciale në SHBA, Albin Kurti thirrje shqiptarëve: Votoni për Joe Biden