Ish-krerët e UÇK-së në Hagë, Ejup Gojnovci: Kosova në zgjedhje të parakohshme nga momenti në moment

Në një intervistë për Euronews Albania, analisti politik, Ejup Gojnovci tha se aktakuzat e lexuara dje në Hagë janë thjesht tentativa për të njollosur luftën e Ushtrisë Çlirimtare të Kosovës.

“Të tilla aktakuza nuk mund të jenë vetëm shpifje dhe nuk kanë asnjë bazë që mund të konsiderohet shumë serioze,” – u shpreh ai.

Sipas tij, nuk është fare e lehtë për shqiptarët e në veçanti për popullin e Kosovës që në bankën e një gjykate që merret kryekëput me shqiptarët e Kosovës por dhe me luftën e UÇK-së të shohë ish-krerët e kësaj lufte.

Sa i përket situatës politike në Kosovë, Ejup Gojnovci tha se vihet re një destabilitet dhe ndryshime priten nga momenti në moment.

Teksa theksoi se gjithçka është e mundur, nënvizoi gjithashtu dhe zgjedhjet e parakohshme si diçka që mund të ndodhë në Kosovë pas dorëheqjes së Thaçit.

“Strukturat e aleancës për ardhmërinë e Kosovës që përbëjnë qeverinë e Kosovës, ministrat kanë paralajmëruar se do të ketë një mbledhje sot rreth orëve të pasdites. Ka një pakënaqësi me masat anti-COVID të marra nga ana e qeverisë dhe kjo duket si një pretekst sepse në fakt nuk bëhet fjalë për masat anti-COVID sa bëhet fjalë për pakënaqësinë apo jo dakordancën që kanë mes tyre dy partnerët e koalicionit,’ – tha për Euronews Albania analisti politik Gojnovci.

Lexoni gjithashtu: 

Krasniqi në Hagë, Ernest Bunguri: Seanca e sotme, thjesht procedurë, fjalimi i ish-kryeparlamentarit ishte emocionues

Përballja me Hagën, gazetari Ernest Bunguri: Pati një betejë të vogël mes avokatit të Thaçit dhe prokurorisë

Ish-presidenti i Kosovës Hashim Thaçi kundër akuzave: I hedh poshtë të gjitha

Krasniqi para Speciales, ish-sekretari i UÇK njihet me akuzat në dhomat e specializuara në Hagë