Akuza për krime lufte, Rexhep Selimi del sot para Gjykatës së Hagës

Kreu i Grupit Parlamentar të Lëvizjes Vetëvendosje, Rexhep Selimi do të paraqitet sot para Dhomave të Specializuara në Hagë. Seanca ndaj Selimit pritet të nisë sot në orën 11:00 dhe i akuzuari do të njihet me akuzat dhe të drejtat e tij.

Selimi njihet si një ndër themeluesit e Ushtrisë çlirimtare të Kosovës, ndërsa ka luajtur dhe rolin e Inspektorit të Përgjithshëm në UÇK-së.

Hashim Thaçi, Kadri Vesli, Jakup Krasniqi dhe Rexhep Selimi tashmë janë të arrestuar dhe ndodhen për gjykim në Gjykatën e Hagës. 

Sipas aktakuzës, veprat që rëndojnë ndaj Thaçit, Veselit, Selimit dhe Krasniqit kanë të bëjnë me krime lufte, ndalim të paligjshëm ose arbitrar, trajtim mizor, torturë dhe krime kundër njerëzimit,  të cilat, sipas Dhomave të Specializuara, janë kryer midis marsit të vitit 1998 dhe shtatorit 1999. Thaçi, Veseli dhe Krasniqi kanë mohuar të gjitha akuzat në seancat që janë zhvilluar më herët në këtë gjykatë. 

Lexoni gjithashtu: 

Kadri Veseli përballet me Gjykatën e Hagës: Deklarohem me bindje se jam i pafajshëm

Ish-krerët e UÇK-së në Hagë, Ejup Gojnovci: Kosova në zgjedhje të parakohshme nga momenti në moment