Ndërron jetë në moshën 60-vjeçare aktori i njohur

Lance Reddick, një aktor në serialin e njohur “The Wire”, ka vdekur në moshën 60-vjeçare, sipas mediave amerikane.

Reddick ishte gjithashtu i njohur për rolin e Charon në filmat aksion-triller të John Wick.

Muzikanti dhe aktori vdiq papritur nga shkaqe natyrore të premten në shtëpinë e tij në Los Anxhelos, bëri me dije publicisti i tij.

Policia u thirr në shtëpinë e aktorit rreth orës 09:30 me orën lokale, shtoi publicisti për mediat amerikane.

Reddick kishte qenë në mes të një turneu shtypi për pjesën e katërt të filmave të John Wick, që është planifikuar të dalë më 24 mars.

LEXONI GJITHASHTU:

• U akuzua se vrau gruan e tij, aktori ndahet nga jeta në moshën 89-vjeçare
• Mbështeti qeverinë kineze, aktori i njohur “rrezikon” Oscar-in