Flori kontrabandë drejt Turqisë, pranga 56-vjeçarit në Rinas

Një 56-vjeçar i identifikuar si Astrit Llozi ka rënë në prangat e Policisë Kufitare të Rinasit teksa tentoi të transportonte një sasi floriri të dyshuar kondrabandë drejt Turqisë.

Ka qenë një hetim dy mujor i policisë që çoi në pranga 56-vjeçarin nga Tirana dhe sekuestroi tre lingota të dyshuara floriri, me peshë 4 kg e 660 gramë, pa licencën përkatëse.   

“Gjatë kontrollit të ushtruar në çantën personale të shtetasit A.Ll, i cili do udhëtonte drejt Turqisë iu gjetën e sekuestruan në cilësinë e provës materiale tre lingota të dyshuara floriri, me peshë 4 kg e 660 gr, pa licencën përkatëse”, njofton policia.

Autoritetet lugjzbatuese vijojnë punën për zbardhjen dhe dokumentin e plotë të këtij rasti.