Italia nën masa kufizuese, Firence mbyll restorantet, Torino qytet fantazmë

11 Nëntor 2020 | 20:32

Toskanë dhe katër rajone të tjera të Italisë hynë në fuqi kufizimet kundër koronavirusit, për t’i bërë ballë valës së dytë të pandemisë.

Javën e kaluar, qeveria vendosi kufizime kombëtare, përfshirë një shtetrrethim gjatë orëve të natës dhe ndau vendin në tre zona, bazuar në intensitetin e COVID-19.

Toskana, që përfshin qytetin e Firences, si dhe rajonet e tjera Liguria, Abruco, Umbria dhe Bazilikata konsiderohen si zona “portokalli”, ku baret dhe restorantet janë mbyllur, por dyqanet mbeten të hapura. Ndërkohë që njerëzit lejohen të lëvizin brenda qyteteve, por jo të dalin prej tyre.

Në Firence, restorantet mblodhën tryezat dhe karriget për të mbyllur dyert, ndërsa baret ofruan brioshë dhe kafe për të marrë me vete.

Ndërkohë, qytete si Torino dhe Milano, por edhe të tjera, të veriut të industrializuar, janë “zonë e kuqe” dhe ndodhen nën një bllokadë të pjesshme.

Të premten e kaluar, kur masat kufizuese hynë në fuqi Torino ishte thuajse i boshatisur.

Ndërkohë, rajonet jugore të Pulias dhe Siçilisë mbeten në të ashtuquajturën “zona portokalli”.

Italia, vendi i parë evropian që u prek keq nga COVID-19, arriti të zbusë fuqinë e virusit pas një bllokade të rreptë të vendosur në muajt mars dhe prill.

Të martën, vendi regjistroi mbi 35 mijë raste të reja me koronavirus, si dhe 580 vdekje, niveli më i lartë që prej 14 prillit.

 

Lexoni gjithashtu: 

Situatë shqetësuese në Itali, numri i të infektuarve pritet të shkojë në 1 milion

Protesta në Itali, qytetarët të zemëruar me masat e reja kufizuese: Jemi në prag të kolapsit

Italia pas protestave, dëme të shumta në Torino

 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026