Ndeshjet miqësore, Holanda barazon me Spanjën, Gjermania sukses minimal ndaj Çekisë

Mbrëmjen e së mërkurës, disa prej kombëtareve europiane kanë zbritur në fushë, për të bërë provat gjenerale para ndeshjeve zyrtare të Ligës së Kombeve.

Sfida më interesante u zhvillua në Amsterdam, ku Holanda priste Spanjën. Sfida miqësore në “Johan Cruijff Arena” u mbyll pa fitues. Spanja e gjeti e para golin, me anë të Kanales, i cili zhbllokoi rezultatin që në pjesën e parë.

Në fillimin e fraksionit të dytë, “tulipanët” ishin ata që  vendosën ekuilibrin me anë të Van De Beek, i cili nga brenda zone nuk gaboi.

Holanda regjistron barazimin e tretë radhazi, por trajneri Frank de Boer duhet të presë ende që të festojë suksesin e parë si trajneri i Kombëtares.

Gjermania në anën tjetër iu fal golit të Valtshmit në përballjen me Çekinë. 24-vjeçari shënoi që në 15 minutat e para të takimit, duke vulosur rezultatin që nuk ndryshoi deri nën fund. Trajneri Joachim Low po punon që të afrojë emra të rinj në përfaqësuese, të cilët japin besim për të ardhmen.

Në ndeshjet e tjera të së mërkurës, mund të veçohen humbja e Francës 2-0 me Finlandën, përmbysja e 2-1 e Belgjikës ndaj Zvicrës dhe suksesi 4-0 i Italisë me Estoninë.