25 vite më parë vrau vajzën e saj, arrestohet 46-vjeçarja në Korçë

Policia e Korçës ka arrestuar 46-vjeçaren Irena Kostaki (Zeria), pasi Gjykata e Lamies e ka dënuar me 20 vite burg  për veprën penale “vrasje me qëllim”.

“Irena Kostaki (Zeria), 46 vjeçe, banuese në fshatin Miras, Devoll, për të cilën është caktuar masa e sigurisë “Arrest në burg”, për veprën penale “Vrasja me paramendim”. Gjykata e Lamias në Greqi, me vendim penal të formës së prerë, e ka dënuar këtë shtetase me 20 vite burg, për veprën “Vrasja me qëllim”, sipas legjislacionit grek, e cila korrespondon me veprën penale “Vrasja me paramendim” të Kodit Penal të Republikës së Shqipërisë”, thuhet në njoftimin e policies.  

Më tej policia sqaron se 46-vjeçarja në vitin 1995 ka vrarë duke e mbytur me duar, vajzën e saj 9-muajshe dhe dy vite më vonë është arratisur nga Qendra e Paraburgimit të Femrave në Koridalo, Greqi.  

“Kjo shtetase, më datë 28.08.1995, në Diles, Greqi, ka vrarë duke e mbytur me duar, vajzën e saj 9-muajshe dhe më datë 05.03.1997 është arratisur nga Qendra e Paraburgimit të Femrave në Koridalo, Greqi, ku ka qenë me masë sigurie.

Masa e sigurisë nga Gjykata e Rrethit Gjyqësor Korçë është caktuar për efekt të njohjes së vendimit të Gjykatës së Lamias, Greqi.”, thuhet në njoftimin e policisë.