Vrasja e gazetarit Khashoggi: 5 persona dënohen me vdekje dhe tre të tjerë me burgim

Arabia Saudite ka dënuar me vdekje pesë persona për vrasjen e gazetarit Jamal Khashoggi dhe për tre të tjerë është vendosur dënimi me burg.

Analisti i gazetës së famshme “The Washington Post” u vra në tetor të vitit 2018, pasi shkoi në konsulatën e Arabisë Sauditë në Stamboll për të mbledhur dokumentet e nevojshmë për martesën me të fejuarën e tij Hatice Cengiz.

Vrasja e Khashoggit shkaktoi zemërim në shkallë ndërkombëtare, si dhe dëmtoi reputacionin e Arabisë Saudite.

Në një raport të OKB thuhet se për ekzekutimin e tij ishin të nevojshme “koordinime, financime dhe burime nga qeveria”.

“Çdo ekspert i pyetur mbi këtë temë e shikon si pa vend që një operacion kriminal i kësaj shkalle drejt z. Khasshoggi të kryhej pa dijeninë e Princit të Kurorëzuar”, shkruhej në raportin e Kombeve të Bashkuara.

Prokurori publik deklaroi të hënën se një këshilltar i afërm i princit të Arabisë Saudite nuk do të dënohej.

Në artikullin e tij të fundit gazetari Khashoggi fliste për lirinë e medias në Arabi.

“Një shkrim që kontrollohet nga shteti dominon opinionin publik, edhe pse shumë nuk e besojnë, një pjesë e madhe e popullsisë bie pre e këtyre shkrimeve. Fatkeqësisht kjo situatë nuk duket sikur mund të ndryshojë”, shkruante ai.

Lajmi në përditësim.