Putin inauguron urën hekurudhore që lidh Rusinë me Krimenë

Të hënën, Vladimir Putin ka inauguruar një urë të me përmasa gjigande e cila lidh Rusinë me Krimenë, gadishullin ukrainas që aneksoi në 2014.

Presidenti rus qëndroi në kabinën e një treni për hapjen e urës 19 kilometra të gjatë, e cila është njëkohësisht dhe ura më gjatë në Europë.

Projekti synon të forcojë lidhjet midis Rusisë dhe Krimesë duke rritur transportin e mallrave dhe duke inkurajuar fluksin e turistëve.

Putin përgëzoi punëtorët e ndërtimit për përfundimin e urës duke thënë se “kanë vërtetuar aftësinë tonë për të drejtuar projekte infrastrukturore të një shkalle të gjerë”.

Ai tha se 14 milion pasagjerë dhe rreth 13 milion ton mallra priten të kalojnë përmes urës vitin që vjen.

Teksa kalimi për pasagjerët do të nisë menjëherë, trenat e mallrave do të fillojnë korrikun e ardhshëm.

Rusia aneksoi Krimenë në mars 2014, pasi banorët e gadishullit votuan në një referendum të drejtuar nga Rusia për tu bashkuar me të.

Lëvizja solli censurë të përhapur ndërkombëtare, duke përfshirë dhe sanksione nga Shtetet e Bashkuara dhe Bashkimi Europian ndaj Rusisë.

Një urë paralele për automjete përmes Ngushticës së Kërçit dhe Detit Azov u hap në maj 2018.