Kreu i Komunës së Preshevës në gjendje të rëndë shëndetësore

Kreu i Komunës së Preshevës, Shqiprim Arifi ndodhet në gjendje të rëndë shëndetësore, pavarësisht se nuk është i prekur me sëmundjen infektive koronavirus. Njoftimi bëhet nga vetë ai përmes një postimi në Facebook ka bërë të ditur se ndodhet për trajtim mjekësor në spitalin e Nishit.

“Të nderuar qytetar të Komunës së Preshevës. Kam obligim moral të ju njoftoj se jam në gjendje të rëndë shëndetësore dhe gjendem momentalisht nën përkujdesjen e ekipit mjekësor në Spitalin e Nishit. Edhe pse kam kryer disa ditë më parë testin për corona me rezultat negativ, ndërkaq kam pasur përkeqësime të shëndetit dhe jam detyruar të shtrihem në Spital. Ju përshëndes të gjithëve. Shtoni kujdesin të gjithë, ruani veten dhe familjen”, shprehet ai.

44-vjeçari në vitin 2015 së bashku me një grup të rinjsh kanë themeluar partinë “Aleternativa Për Ndryshim” me qëllim që të ndryshoj gjendjen sociale-politike dhe ekonomike në Preshevë.

Në zgjedhjet lokale në vitin 2016, Shqiprim Arifi emërohet si Kryetar i Komunës së Preshevës, detyrë që vazhdon ta kryejë edhe sot.