KLGJ kualifikon Darjel Sinën për në Gjykatën e Lartë

Këshilli i Lartë Gjyqësor ka kualifikuar si anëtar të Gjykatës së Lartë Darjel Sinën.

“Në përfundim të procedurave të verifikimit të thelluar të kushteve dhe kritereve ligjore, pasurisë dhe figurës, të kandidatit të katërt për gjyqtar në Gjykatën e Lartë, nga radhët e juristëve të spikatur, z.Darjel Sina, Këshilli vendosi kualifikimin e tij si dhe vijimin e procedurave të emërimit në Gjykatën e Lartë”, bëhet me dije në njoftimin e KLGJ.

Vakanca në Gjykatën e Lartë erdhi pas shkarkimit të Xhezair Zaganjorit për shkak të vettingut.

Me emërimin në Gjykatën e lartë, Sina i cili aktualisht kryen funksionin e Komisionerit Publik në procesin e vetingut të prokurorëve dhe gjyqtarëve, e çon në katër numrin e anëtarëve të kësaj gjykate.