Shtyhet për herë të dytë seanca ndaj Valdrin Pjetrit në Gjykatën e Tiranës

Seanca për shqyrtimin e kërkesës për pushimin e hetimeve ndaj Valdrin Pjetrit është shtyrë për të dytën herë në Gjykatën e Tiranës.

Gjyqtarja Oltiona Goxha ka dhënë dorëheqjen nga gjykimi i kërkesës dhe në vendin e saj është përzgjedhur gjyqtari Artan Gjermeni.

Valdrin Pjetri i zgjedhur në krye të Bashkisë së Shkodrës në zgjedhjet e 30 qershorit u mor i pandehur për falsifikim të formularëve.

Sipas hetimeve Pjetri nuk kishte deklaruar hetimin dhe dënimin në shtetin italian për probleme me lëndët narkotike.

Por, pas disa muajsh hetime Prokuroria vendosi të dërgoi për pushim çështjen në gjykatë, me argumentin se vendimi i gjykatës italiane e ndalonte Valdrin Pjetrin ta deklaronte atë.

Kandidati socialist Pjetri, para zgjedhjeve të vitit 2019, mbante pozicionin e kryeregjsitruesit në Zyrën e Përgjithshme të Regjistrimit të Pasurive të Paluajtshme, ndërkohë që më parë qe angazhuar në Agjencinë e Pasurive të Sekuestruara dhe Konfiskuara sipas “ligjit Anti-Mafia dhe Financimit të Terrorizmit” dhe pati mbajtur poste të rëndësishme në ministrinë e Mbrojtjes.

Lexoni gjithashtu:

Prokuroria kërkon pushim të hetimeve ndaj ish-kandidatit socialist për bashkinë Shkodër Valdrin Pjetri