Spanja ‘shemb’ Gjermaninë, triumfon në shifrat 6-0 dhe merr vendin e parë në grup

Spanja i tregoi Gjermanisë se si luhet një ndeshje futbolli. Furia e kuqe shpartalloi katër herë kampionët e botës me rezultatin e thellë 6-0.

Një ndeshje fantastike e spanjollëve që dominuan kundërshtarin në çdo cep të fushës duke mos i lënë asnjë mundësi reagimi.

Një presion asfiksues i iberikeve që bëri të dukej shumë e vogël një superfuqi si gjermania.

Nga 3 gola për secilën pjesë vulosën suksesin dhe vendin e parë në grupin e katër të ligës A për Spanjën dhe njëkohësisht turpërimin e Gjermanisë.

Për gjermanët ishte pa frikë ndeshja më e dobët e viteve të fundit.

Një kapitullim pa kushte për ta pasi gjatë 90 minutave nuk arritën të bënin asnjë goditje në portë.

Probleme të mëdha edhe në repartin e mbrojtjes. Skuadra ishte totalisht e çorganizuar gjë që e bëri akoma më të lehtë suksesin e spanjollëve.

Ferran Toress ishte një riu i ndeshjes me 3 gola të shënuar, njëri më i bukur se tjetri

Ndërkohë Portugalia fitoi në minutën e fundit përballë Kroacisë me rezultatin 3-2.

Dy skuadrat bënë një ndeshje fantastike me aksione dhe gola nga të dyja anët.

Në ndeshjen tjetër të grupit, Franca mposhti 4-2 Suedinë.