Gjykata e Lartë në Beograd jep urdhër për zhvarrosjen e trupave në Kishevak

Më18 nëntor Departamenti i Krimeve të Luftës i Gjykatës së Lartë në Beograd ka lëshuar një urdhër për zhvarrosjen e një numri të paidentifikuar kufomash në një varrezë masive në Kishevak të Komunës së Rashkës.

Kjo u konfirmua për Radion Evropa e Lirë nga Gjykata e Lartë.

Sipas përgjigjes, fillimi i zhvarrimit do të përcaktohet më vonë, ashtu si edhe komisioni që do të kryejë zhvarrosjen.

“Gjithashtu, është caktuar një ekspert gjyqësor, i cili do të mbledhë dhe sigurojë gjurmë materiale që janë gjetur në vend gjatë hetimit paraprak, në përputhje me raportin e Ministrisë së Punëve të Brendshme (MUP) të Serbisë”, thotë Gjykata.

Kryetari i Komisionit Qeveritar për Personat e Zhdukur në Serbi, ka thënë të mërkurën në mbrëmje se në bazë të të dhënave, në varrezën masive në Kishevak afër Rashkës gjenden mbetjet mortore të potencialisht, pesëmbëdhjetë deri në shtatëmbëdhjetë trupave.

Dyshohet se trupat u përkasin qytetarëve të Kosovës.

Lexoni gjithashtu:

Të pagjeturit e luftës, në Kishevak të Serbisë mendohet të jenë trupat e 17 personave nga Kosova

Të pagjeturit e luftës, Grajçevci: Me presionin ndërkombëtar, do të gjenden plot varreza shqiptarësh në Serbi