Erdogan prezanton planin për rritje të shpenzimeve publike

Presidenti turk, Recep Tayyip Erdogan, e ka prezantuar planin për rritje të shpenzimeve publike, i cili shihet si përpjekje për të rritur bazën e votuesve, pak para zgjedhjeve.

Në planin e Erdoganit përfshihen ulja e taksave, rritja e pagave, subvencione për energjinë dhe më shumë punë qeveritare.

Në nisje të fushatës së tij zgjedhore në Ankara, Erdogan është zotuar edhe për ndarje të fondeve në “mega-projekte”, përfshirë ato në mbrojtje.

Erdogan është zotuar edhe për ulje të normës së inflacionit dhe rritje ekonomike, shkruan REL.

Këto premtime janë bërë në kohën e rritjes rekorde të çmimeve të jetesës dhe vështirësive ekonomike, të cilat Turqia nuk i ka përjetuar në dy dekada.

LEXONI GJITHASHTU:

• Pas tërheqjes nga futbolli, Mesut Ozil kandidat i Erdogan për zgjedhjet
• Erdogan falënderon Kosovën për ndihmën e dhënë gjatë tërmetit