Festë në gjendje lufte, besimtarët në Ukrainë celebrojnë Pashkën Ortodokse
Pashka është një nga festat më të mëdha në Ukrainë, që shoqërohet me shumë tradita. Një pjesë e besimtarëve do të festojnë të dielën e 16 prillit, por shumë të tjerë do të festojnë edhe më 23 prill, në bazë të kalendarit të Kishës Ortodokse.
Dita e Pashkës është gjithashtu ditë pushimi në Ukrainë, ndaj dyqanet, muzetë, bibliotekat, shkollat dhe zyrat qeveritare qëndrojnë të mbyllura. Po ashtu, edhe e hëna pas Pashke është ditë pushimi dhe qytetarët mund të kalojnë një tjetër ditë larg punës ose mësimeve.
Dita e Pashkës në Ukrainë celebron ringjalljen e Krishtit nga vdekja, sikurse tregohet në Bibël. Pashka Ortodokse përkon gjithashtu me Ditën e Madhe të Krishterë, që është një festival i lashtë ukrainas që shënon ardhjen e verës.
Gjithashtu, besimtarët dhe klerikët agjërojnë përpara ceremonisë, me komunitete të ndryshme të krishtera që bëjnë një agjërim 40-ditor para tri ditëve më të shenjta të vitit: të Enjtes së Madhe, të Premtes së Madhe dhe të Dielës së Pashkëve.
Familjet mblidhen bashkë për të festuar duke konsumuar vaktin tradicional. Ushqimet karakteristike janë veza e Pashkës, djathi dhe mishi, që formojnë të ashtuquajturin “shporta e Pashkës ukrainase”.
Mes qyteteve kryesore që festojnë renditen Kharkivi, Dnipro, Zaporizhia, Mariupoli, Luhansku dhe Kamianske, të cilat edhe këtë vit gjenden të përfshira nga lufta e nisur nga Rusia.
LEXO GJITHASHTU:
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet