115 milionë euro ndihmë, ambasadorët e SHBA dhe BE: Po ndjekim procesin e rindërtimit

Një vit më parë Shqipëria u godit nga tërmeti më vdekjeprurës që prej një shekulli. Shtetet e Bashkuara ishin mes shumë shteteve që I qëndruan në krah popullit shqiptar në një moment tejet të vështirë.

Në përkujtim të asaj tragjedie, ambasadorja, Yuri Kim përmes një postimi në rrjetet sociale ka shprehur përkrahjen që SHBA vijon të japë për Shqipërinë që prej muajsh ka nisur procesin e rimëkëmbjes.

Krahas SHBA një solidaritet të madh me popullin shqiptar tregoi dhe Komisioni Evropian. Përmes një donacioni prej 115 milionë eurosh, 75 për objektet arsimore dhe 45 për ato kulturore duke u kthyer kështu në një aktor të rëndësishëm në procesin e vështirë të rindërtimit të dëmeve të shkaktuara nga tërmeti vdekjeprurës.

We remember those lost in the earthquake one year ago. We thank those who have worked to rebuild from the destruction. We remain in solidarity with those who are still struggling. As friends and allies, ?? & ?? will always be together – #KrahPerKrah – especially in tough times. https://t.co/35Osnd7RvR pic.twitter.com/eAbQhOthU2

— Ambassador Yuri Kim (@USAmbAlbania) November 26, 2020

Sot 1 vit pas asaj tragjedie ambasadori Luigi Soreca ka publikuar një video ku shkruan se të gjithë i  kujtojnë 51 viktimat dhe shpreh solidaritetin e BE. Ndërkaq ai thekson se tani është koha për të punuar dhe për të rindërtuar së bashku.

Në të njëjtën linjë ka qenë dhe reagimi i komisionerit evropian, Oliver Varhelyi, i cili përmes një statusi në rrjetet sociale është shprehur se BE vijon të mbështes procesin e rimëkëmbjes duke ndjekur parimet e llogaridhënies dhe transparencës dhe ndërtimit më të fuqishëm dhe në të mirë të të gjithëve.

Fatkeqësia natyrore që goditi një vit më parë Shqipërinë nxori në pah një valë të madhe solidariteti për popullin shqiptar që sot është përkthyer në fonde monetare për rimëkëmbjen e plotë nga dëmet e shkaktuara.

On 26 November 2019 #Albania??was hit by a devastating earthquake. One year after, we remember the 51 victims of that terrible day and the #solidarity of the #EU??and Member States towards the Albanian people. Now we work to #BuildBackTogether! #StrongerTogether #EUforAlbania???? pic.twitter.com/OYcMfRsEuG

— Luigi Soreca?? (@LSorecaEU) November 26, 2020