Lewis Hamilton siguron të 98-in pole position në karrierë

“Oreksi vjen duke ngrënë” për Lewis Hamilton. Britaniku pavarësisht se siguroi titullin e shtatë kampion bote në garën e shkuar, nuk ka ndërmend ta heqë këmben nga pedali i gazit.

Piloti i Mercedesit siguroi nisjen nga vendi i parë në garën e Çmimit të Madh të Bahreinit.

Ky ishte “pole-position” i 98-të në karrierë.

Menjëherë pasi tij u rendit piloti tjetër i së ashtuquajturave “Shigjetave të argjendta”, Valteri Bottas ndërsa i treti Max Verstapen, i cili po mundohet me të gjitha format të qëndrojë pranë dyshes së Mercedes, edhe pse diferencat mes makinave janë të mëdha.

Paraqitje e mirë edhe për pilotin tjetër të Red Bull, Alexander Albon që u rendit i katërti.

Te Ferrari hasën sërish vështirësi ashtu si në pjesën më të madhe të këtij sezoni.

Dy makinat kokëkuqe nuk mundën të kualifikoheshin as në sesionin final të provave zyrtare me Sebastian Vettel që e mbylli në vendin e 11-të dhe Carles Lecrec që u rendit një pozicion më poshtë se shoku i tij i skuadrës.