Seria A| Napoli ‘shtyn’ festën, Juventusi nuk mund dot as Bolonjën

Një fitore, 1 barazim dhe 3 humbje është bilanci i Juventusit në 5 përballjet e fundit të zhvilluara në kampionatin Italian. Bardhezinjtë edhe pse u ngjitën përkohësisht në vendin e dytë pas iu kthyen 15 pikët, duket se e patën të vështirë të mbanin ritmin, duke zbritur një vend më poshtë. Në përballjen e së dielës barazuan me Bolonjan 1-1, ndërsa goli u shënua nga Milik, me polakun që shpërdoroi dhe një 11 metërsh.

Napoli ka shtyrë festën për titull, diçka të cilën duket se do ta bëjë në transfertën ndaj Udineses. Në Diego Armando Maradona stadium, kryesuesit e kampionatit u ndalën nga Salernitana me sfidën që u mbyll në shifrat 1-1. Goli i shënuar nga Olivera u zhvlerësua më minutën e 84’ ku Dia solli barazpeshën në fushën e lojës, duke vulosur rezultatin përfundimtar.

Interi bëri një përmbysje të madhe ndaj Lazios në shtëpi, me miqtë që shënuan që në pjesën e parë me Anderson. Minutat në vijim, zikaltrit rikuperuan terren, ndërsa hyrja në fushë e Martinez solli ndryshimin. Argjentinasi shënoi golin e barazimit dhe Gosens solli përmbysjen 2-1. Në minutën e 90’ po Lautaro vulosi triumfin 3-1 të Interit. Në ndeshjet e tjera, Fiorentina mposhti Sampdorian, Sassuolo fitoi ndaj Empolit dhe Cremonese barazoi me Veronën.

LEXONI GJITHASHTU:

• VIDEO| Boksieri shqiptar fiton me knockout në Gjermani, feston me plis në kokë
• Kick boksierja shqiptare shpallet kampione bote për të dytën herë