”Moderna” njofton se sot do të kërkojë miratimin e vaksinës së saj anti-COVID

Kompania e bioteknologjisë “Moderna” ka njoftuar se sot do të kërkojë miratimin e vaksinës së saj anit-COVID-19 në Evropë dhe SHBA, pasi vaksina provoi të ishte 100% efektive kundër rasteve të rënda të COVID-19.

“Moderna” do të paraqesë një kërkesë për miratim nga Agjencia Evropiane e Barnave dhe për autorizimin e përdorimit në kohë emergjence nga Administrata Amerikane e Ushqimeve dhe Barnave.

“Analizat pozitive paraprake konfirmojnë se vaksina jonë mund ta ndalojë virusin e COVID-19 me një efikasitet rreth 94.1% dhe më e rëndësishmja është se mund të parandalojë rastet e rënda të COVID-19”, tha drejtuesi ekzekutiv i Moderna, Stephane Bancel.

“Ne besojmë se vakinsa jonë mund të sigurojë një mekanizëm të ri dhe të fuqishëm që mund të ndryshojë situatën e pandemisë dhe të parandalojë këtë sëmundje të rëndë, dhe vdekjet si pasojë të saj”, shtoi Bancel.

Ky lajm bëhet i ditur pasi në provat e vaksinës së Modernës u rezultua se 196 persona nga 30,000 pjesëmarrës u infektuan me COVID-19. Vetëm 11 nga personat e infektuar kishin marrë vaksinën e Modernës.

Lexoni gjithashtu:

Vaksina anti-Covid, aeroporti i Frankfurtit gati të përballet me sprovën logjistike të transportit

Miratimi i vaksinës së Oxford-it, Britania kërkesë Agjencisë së Medikamenteve që vaksinimi të nisë sa më shpejt

Dyshues për vaksinimin, 40% e italianëve shprehen në anketa se nuk do të rrezikojnë