Njëmbëdhjetë viktima në Kosovë nga Covid-19, shifrat e infektimeve mbeten të larta

Në 24 orët e fundit në Kosovë janë kryer 1.219 teste të dyshuara me Covid-19, ndërkohë 539 prej tyre kanë rezultuar pozitivë. Lajmi bëhet i ditur nga Instituti Kombëtar i Shëndetësisë Publike, i cili thotë se 11 pacientë kanë humbur jetën duke e çuar numrin total të viktimave në 1016, që nga fillimi i pandemisë.

“Numri total i rasteve pozitive është 39.596 raste nga 143.988 persona të dyshimtë në virusin SARS-CoV-2 dhe 1.016 raste të vdekjes. Gjatë 24 orëve të fundit, janë shëruar 574 pacientë derisa numri i përgjithshëm i të shëruarve deri më sot është gjithsej 25.001 raste, kurse numri i rasteve aktive është 13.579”, raporton IKSHPK-ja.

Rastet pozitive:

Komuna Prishtinë 179 raste, Gjilan 63 raste, Mitrovicë 50 raste, Gjakovë 40 raste, Viti 26 raste, Pejë 24 raste, Ferizaj 22 raste, Fushë-Kosovë 13 raste, Vushtrri 13 raste, Kamenicë 12 raste, Skenderaj 12 raste, Drenas 11 raste, Lipjan 10 raste, Obiliq 10 raste, Prizren 9 raste, Klinë 7 raste, Suharekë 6 raste, Istog 5 raste, Malishevë 5 raste, Shtime 4 raste, Deçan 3 raste, Kaçanik 3 raste, Rahovec 3 raste, Zubin-Potok 3 raste, Graçanicë 2 raste dhe me nga 1 rast komunat Hani i Elezit, Kllokot, Novobërdë dhe Podujevë.

Ministria e Shëndetësisë fton qytetarët të tregojnë kujdes, të ruajnë higjienën personale dhe të shmangin grumbullimet masive. Për shkak të rritjes së infektimeve, qeveria e Kosovës ka vënë në zbatim një sërë masash kufizuese për 18 komuna, të cilat kategorizohen si zona problematike.