Italia gjobit Apple me 10 milionë euro pas pretendimeve se Iphone është rezistent ndaj ujit

Autoriteti i konkurencës në Itali ka gjobitur kompaninë amerikane Apple pas disa mesazheve “çorientuese” mbi rezistencën e Iphone ndaj ujit.

Apple akuzohet për “taktika çorientuese dhe agresive” përmes mesazheve promocionale, tha në një deklaratë Autoriteti i Konkurrencës Italiane (AGCM).

Enti rregullator tha se kompania kishte reklamuar disa modele të Iphone si “rezistent ndaj ujit”, por pa sqaruar disa rrethana përjashtuese.

“Për shembull, gjatë disa kontrolleve specifike të kryera në laboratorë ku është përdorur uji i rrjedhshëm dhe jo nën kushtet normale të përdorimit të pajisjeve nga konsumatorët”.

Apple nuk i është përgjigjur kërkesës së Euronews për të rrëfyer anën e tyre të historisë.

Apple ka promovuar një sërë modelesh si rezistentë ndaj ujit deri në një thellësi prej 4 metrash dhe për një kohëzgjatje prej 30 minutash, në varësi të modelit, tha AGCM.

Kompania gjithashtu akuzohet se ka refuzuar t’i japë ndihmë klientëve kur pajisjet e tyre qenë të dëmtuara nga uji apo lëndë të tjera të lëngshme, në kundërshtim me atë çka shkruhet në dokumentin e garancisë.

Lexoni gjithashtu 

• Franca sfidon SHBA, takson gjigantët amerikanë të teknologjisë
• BE, akuza Amazon-it. Gjiganti i shitjeve online akuzohet për shkelje të ligjve të konkurrencës
• Padi ndaj Google, gjiganti i internetit akuzohet për shkelje të ligjit të konkurrencës