Kompanitë Pfizer dhe BioNtech kërkojnë autorizim për përdorimin e vaksinës së tyre kundër COVID-19 në Europë

Kompania gjermane BioNTech dhe kompania amerikane farmaceutike Pfizer kanë kërkuar miratimin e Agjencisë Europiane të Barnave për përdorimin e vaksinës së tyre kunder COVID-19.

Të dy kompanitë i kanë dërguar më herët një kërkesë edhe Administratës Amerikanë të Ushqimeve dhe Barnave për përdorimin e vaksinës, ndersa kompania amerikane Moderna gjithashtu njoftoi ditën e djeshme se kishte kërkuar miratimin për vaksinën e saj kandidate.

Ky lajm do të thotë se vaksina e Pfizer mund të jetë e disponueshme edhe në Bashkimin Europian gjatë fundit të këtij viti për grupet më të prekura nga coronavirusi, nëse Agjencia miraton përdorimin e saj.

“Vaksina kandidate e BioNTech është 95% efektive”, tha kompania “dhe veçanërisht është 94% efektive tek personat mbi 65 vjeç, të cilët klasifikohen si grupmosha më e rrezikuar nga COVID-19”.

Bashkimi Europian nënshkroi së fundmi një marrëveshje për të siguruar 300 milionë doza nga vaksina e BioNtech dhe Pfizer, megjithatë kjo vaksinë kërkon të ruhet në temperaturën -70 gradë Celsius, një infrastrukturë që në shumë vende nuk ekziston.

Lexoni gjithashtu:

Pandemia, fjala e vitit 2020

Sfidat e shpërndarjes së vaksinës kundër COVID-19