Ekonomia globale, OBEZH: Rritje 4.2% vitin e ardhshëm, Kina në pararojë

Parashikimi për ekonominë globale po përmirësohet pavarësisht se vala e dytë e epidemisë së koronavirusit ka prekur shumë vende të botës dhe teksa prodhimi i vaksinës po i afrohet realitetit. Kështu ka deklaruar të martën Organizata për Bashkëpunim Ekonomik dhe Zhvillim, e cila ka nënvizuar se është Kina vendi që po udhëheq përmirësimin e situatës. Sipas parashikimit, ekonomia botërore do të rritet me 4.2 për qind vitin e ardhshëm dhe do të

“Për herë të parë që nga rënia e pandemisë, në fillim të 2020-s, kemi pakëz shpresë. Lajmet e mira për vaksinat kanë rritur shkallën e optimizmit dhe kanë zhdukur mjegullën e pasigurisë që na kishte mbuluar. Megjithatë, nuk kemi dalë ende nga errësira. Shumë vende po luftojnë me rikthimin e virusit dhe rivendosja e masave kufizuese po ul ngritjen ekonomike që kishte filluar”, tha Angel Gurria, sekretar i përgjithshëm i OBEZH.

Në tërësi, prodhimi i brendshëm global do t’i rikthehet niveleve që i paraprinë krizës nga fundi i vitit 2021, i udhëhequr nga një rimëkëmbje e fortë e Kinës, ka bërë me dije Organizata për Bashkëpunim Ekonomik dhe Zhvillim.

Por kjo do të fshehë variacionet e shumta mes vendeve, me prodhimin në shumë ekonomi që pritet të mbetet rreth 5% më ulët përpara niveleve të kohës së para krizës, në vitin 2022. Ndërkohë, Shtetet e Bashkuara dhe Bashkimi Evropian do të kenë një kontribut më të ulët në rimëkëmbjen ekonomike.