Krishtlindje mes COVID-19, italianët nisin dekorimet por më pak shpenzime për dhurata

Ndërsa viti 2020 është drejt fundit dhe pushimet janë shumë pranë, qytetarët italianë janë duke u përgatitur për Krishtlindje ndonëse me kushtet e pandemisë. Asgjë nuk i ndal të nisin me dekorimet ndonëse duke shpenzuar më pak për dhurata.

“Këtë vit njerëzit nxituan të blinin dekorime për Krishtlindje, ndoshta për shkak të frikës nga një bllokim i ri ose për shkak të nevojës për të ndjerë ngrohtësinë dhe bukurinë e festës,” – u shpreh Valentina Bigelli, shefe e sektorit të Krishtlindjes në dyqanin “Vertecchi”.

Për të siguruar distancën fizike dyqanet janë lejuar të qëndrojnë më shumë orë hapur në mënyrë që një numër i kufizuar njerëzish të hyjnë në të njëjtën kohë.

Në kryeqytetin kroat, Zagreb, rrugët dhe parqet kanë nisur të ndriçohen me zbukurimet e Krishtlindjeve, por shumica e zonave janë pothuajse të shkreta për shkak të izolimit nga coronavirusit që kufizon tubimet. Prej disa javësh Kroacia është  duke përballur një rritje të rasteve me COVID-19 e madje edhe kryeministri Plenkovic rezultoi pozitiv.

Pavarësisht situatës nga pandemia edhe Moska ka nisur përgatitjet për pushimet e fund vitit. Ndonëse autoritetet këmbëngulin se nuk ka plane për të imponuar një izolim të dytë në vend vijojnë të mbeten në fuqi disa kufizime sikundër mbyllja e club-eve, restoranteve dhe bareve në orën 23:00.

“Sipas mendimit tim, ose duhet të qëndrojmë në shtëpi dhe gjithçka duhet të mbyllet, kështu që ne mund ta kuptojmë logjikën, ose gjithçka duhet të mbetet e hapur. Tani nuk e kuptoj se si na mbrojnë këto masa (të marra),” – u shpreh Natalya Burmistrova, një qytetare në Moskë.

“Unë do të festoj Vitin e Ri në Sheshin e Kuq. Do të marr një shishe uiski, do të eci me të (në duar), duke pirë dhe duke u relaksuar. Viti i Ri është një festë publike, ne duhet të argëtohemi,” – tha Alexey, një tjetër qytetar në Moskë.

Lexoni gjithashtu: 

Tregjet e Krishtlindjes në Evropë, viktima të COVID-19

Shpresë për Krishtlindje, Evropa nën masa kufizuese, autoritetet nisin programet e vaksinimit

COVID ndryshon Krishtlindjen. Në Francë, Gjermani dhe Britani këtë vit festohet ndryshe