Mbyllet seanca në Kushtetuese, vendimi për legjitimitetin e qeverisë Hoti ditët në vijim

Përplasje argumentesh në Gjykatën Kushtetuese nga fuqia, e të cilave varet nëse do të vijojë të mbetet në pushtet apo jo qeveria e kryesuar nga Kryeministri Avdullah Hoti.

Në seancën e hapur online, nëntë gjyqtarë të Kushtetueses dëgjuan dhe u parashtruan pyetje përfaqësuesve të Lëvizjes Vetëvendosje, si nismëtare e rastit, atyre të qeverisë, Zyrës së kryeparlamentares, Komisionit për Mandate, Komisionit Qendror të Zgjedhjeve dhe Këshillit Gjyqësor.

Blerim Sallahu nga Vetëvendosje deklaroi se Etem Arifi nuk është dashur të certifikohet si deputet pasi ishte i dënuar me burg. Qeverinë e Kosovës e përfaqësoi avokati Besnik Berisha.

Ai tha se deputeti Arifi e ka humbur mandatin në legjislaturën e gjashtë prandaj pasojat e këtij vendimi janë ekzekutuar dhe kanë pasur fuqi në mandatin e gjashtë e jo në atë të shtatë.