Kongresi sfidon Trump mbi tërheqjen e trupave amerikane nga Gjermania

 Një draft i Kongresit amerikan ka sfiduar planet e presidentit Trump për të tërhequr trupat nga Gjermania.

Një dispozitë, e parashikuar në versionin final të Aktit dypartiak për Autorizimin e Mbrojtjes Kombëtare, thotë se numri i trupave nuk duhet të reduktohet përtej nivelit aktual pre 34.500 njësi.

Ministri i Jashtëm i Gjermanisë, Heiko Maas e ka mirëpritur lëvizjen.

“Sigurisht që jemi të kënaqur nga marrëveshja mes republikanëve dhe demokratëve në Uashington për ta rishqyrtuar këtë çështje. Nga ana jonë do ta diskutojmë me administratën e re amerikane në kohën e duhur”, tha ai.

Lëvizja e fundit sfidon njoftimin e bërë në korrik nga Pentagoni, se do të tërhiqte rreth 12 mijë trupa nga Gjermania në kuadër të një ripozicionimi strategjik të forcave ushtarake në Evropë.

Presidenti i Shteteve të Bashkuara të Amerikës, Trump kishte deklaruar se vendimi ishte një përgjigje ndaj dështimit të Gjermanisë në rritjen e shpenzimeve ushtarake.