Krishtlindje ndryshe në Itali, nuk do të zhvillohen mesha në kishat e vendit

Në Bazilikën e Shën Marisë në Romë, famulltari Marko Njavi po përgatitet për Krishtlindjet më të veçanta të dekadave të fundit. Mesha e mesnatës në vigjilje të Krishtlindjes nuk do të mbahet në shtetin fqinj, dhe kishat nuk do të kenë të hapura dyert e tyre për besimtarët për shkak të masave kufizuese kundër Covid-19.

Kisha e Shën Mërisë konsiderohet një nga kishat më të vjetra në Romë, e cila daton në shekullin e 4 pas Lindjes së Krishtit, por Krishtlindja në kohë pandemie do të bëjë që kjo kishë të mos presë besimtarë, ashtu siç ka bërë në 16 shekujt e fundit.

Numri i lartë i viktimave në Itali dhe rritja e të shtruarve në spitale kanë bërë që autoritetet të ndalojnë grumbullimet masive për festën e Krishtlindjeve.

Me rregullat e reja, Nata e Krishtlindjes do të përfundojnë në 20:30 të mbrëmjes, në mënyrë që besimtarët të rikthehen në banesat e tyre përpara ndalim-qarkullimit të orës 22:00.

Për famulltarin Gnavi, Krishtlindja pa mesnatën do të jenë një ndryshim i madh por gjithashtu edhe një mundësi për besimtarët.

“Kjo krishtlindje është pjesë e një periudhe që po kërcënohet nga coronavirusi, por gjithashtu është e hapur ndaj mundësive të reja për solidaritet dhe mbështetje emocionale.

Ne nuk duhet të mendojmë vetëm për njerëzit që i është lejuar një darkë Krishtlindjeje, por edhe për atyre që i është lejuar jeta e plotë.

Mendoj se kjo Krishtlindje më e mbarë dhe për këtë arsye do të na çojë në rizbulimin e vlerave më të thella”, u shpreh  Marko Gnavi, famulltar në bazilikën e Shën Mërisë.

Në Itali nuk lejohet lëvizja ndërmjet rajoneve dhe qyteteve te ndryshme gjate festave të fundvitit, përveç atyre rasteve ku familjaret duhet t’i vijnë në ndihmë personave në nevojë.