Pasqyra e dezinformimit në Kosovë, PE: Ndikim nga faktorët e jashtëm, dezinformimi serb luan rol parësor

Pasqyra e dezinformimit mediatik në Kosovë ka natyrë ndërkombëtare. Kjo për rezultat të statusit të kontestuar të shtetit të Kosovës. Mungesa e normalizimit me Serbinë nuk është vetëm çështje strategjike mes Kosovës dhe Serbisë, por edhe e Moskës dhe Uashingtonit. Për këtë politika e jashtme dominon lajmet në një masë të gjerë në Kosovë.

Një rol të rëndësishëm në këtë raport i jepet shantazhit që Richard Grenell, i dërguari special i Presidentit Trump për çështjen Serbi-Kosovë, i bëri qeverisë Kurti në lidhje me marrëveshjen me Serbinë.

Ai kërcënoi se SHBA do të tërheqë trupat e saj nga Kosova dhe më pas e përdori këtë si një negociatë me aleatët e qeverisë Kurti, duke shkaktuar rrëzimin e tij. Kjo lëvizje u denoncua nga europianët. Pra kjo taktikë e një të huaji u pa si një shembull se si u shpik një kërcënim fiktiv që shkaktoi ndryshimin e qeverisë.

Nga ana tjetër, shpesh media kosovare merr deklarata të bëra gjetkë, shpesh nga politikanë serbë dhe ia prezanton lexuesve si qëndrime zyrtare kundër Kosovës. Këto përfshijnë artikujt e prillit 2020 ku ‘Sputnik Serbia’ raportoi në mënyrë të gënjeshtërt se Kosova u shkëput nga rrjeti energjetik i Serbisë apo deklarata të tjera të bëra nga mediat serbe ku thuhej se Kosova është përgjegjësi e Serbisë.

Artikuj të tjerë janë ku raportohej se shqiptarët e Kosovës planifikojnë të rrëmbejnë tenistin serb, Novak Djokovic, insinuata se Kosova nuk mund të qeveriset dot pa ndihmën e Serbisë etj.

Lajme të rreme u vunë re edhe për pandeminë ku shkruhej se një kompani kosovare farmaceutike ka zhvilluar kurën kundër covid, apo insinuata për rolin e Bill Gates në pandemi. Në tetor 2019, gjatë zgjedhjeve, Kosova nuk i shpëtoi dot dezinformimit.

Në raport citohet kanali shtetëror kosovar RTK që akuzonte rivalen e Albin Kurtit për kryeministre, Vjosa Osmani se bashkëshorti i saj ishte një agjent rus.Në përfundimet e tij, ky studim shprehet se në Kosovë, dobësia nga dezinformimi nga burime të huaja do të vijojë aq kohë sa sovraniteti të ketë kundërshti.