SHBA aprovojnë vaksinën, Agjencia për Ushqimin dhe Medikamentet: “Pfizer” përmbush kriteret

Administrata amerikane për Ushqimin dhe Medikamentet, pas një analize të detajuar arriti në përfundimin se vaksina kundër COVID-19 që po mendohet të shpërndahet, është në përputhje me kriteret e paracaktuara, duke sugjeruar se agjencia do të japë dritën jeshile për produktin historik.

Agjencia publikoi të martën dy analiza të veçanta, një nga stafi i saj i shkencëtarëve dhe një nga prodhuesit e vaksinës, “Pfizer Inc” dhe partnerin e saj gjerman “BioNTech”.

Analizat vunë në dukje përfitimet e shumta nga vaksina, përfshirë atë për reduktimin e rrezikut për prekjen nga COVID-19 pas të paktën 7 ditësh nga doza e dytë. Kjo, pasi vaksina e “Pfizer” kërkon dy doza për mbrojtje të plotë.

Rrjedhimisht, Administrata për Ushqimin dhe Medikamentet deklaroi se një tjetër përfitim ishte reduktimi i rrezikut të infektimit pas dozës së parë.

Referimet sa i takon reduktimit të rrezikut nga sëmundja janë një hap i rëndësishëm, pasi fillimisht kritikët deklaronin se ajo do të kishte vetëm një efekt të butë, që mund të ndalonte vetëm sëmundjet e moderuara.